ရှမ်းပြည်နယ်(တောင်ပိုင်း)မှ ပြောင်းများ ယခုနှစ် ဝယ်လိုအားမြင့်တက်မှုကြောင့် တစ်ပိဿာကို ကျပ် (၉၀၀) ကျော်အထိ ဈေးကောင်းရရှိနေ

ရှမ်းပြည်နယ်(တောင်ပိုင်း)မှ ပြောင်းများ ယခင်နှစ်က တစ်ပိဿာကို ငွေကျပ် (၇၀၀)ကျော်သာရရှိပြီး ယခုနှစ် ဝယ်လိုအားမြင့်တက်မှုကြောင့် တစ်ပိဿာကို ငွေကျပ် (၉၀၀)ကျော်အထိ ဈေးကောင်းရရှိနေကြောင်း စက်မှုကုန်သည်အသင်း လယ်ယာစီးပွားဖွံ့ဖြိုးတိုးတက်မှုကော်မတီ၊ အတွင်းရေးမှူး ဦးစိုင်းဖြိုးလွင်ဦး၏ ပြောကြားချက်အရ သိရသည်။ မြန်မာ့အသံသတင်းထောက် ခင်စန်းဝေက ဆက်သွယ်မေးမြန်း ထားပါသည်။