မော်တော်ယာဉ်သုံး သဘာဝဓာတ်ငွေ့ CNG အိုးများ၏ ကြံ့ခိုင်မှု နှစ်ပတ်လည်စစ်ဆေးခြင်းကို နေ့ချင်းပြီး ဆောင်ရွက်ပေးလျက်ရှိ
မော်တော်ယာဉ်သုံး သဘာဝဓာတ်ငွေ့ CNG အိုးများ၏ကြံ့ခိုင်မှု နှစ်ပတ်လည်စစ်ဆေးခြင်းကို ရန်ကုန်မြို့၊ အင်းစိန်မြို့နယ် မော်တော်ယာဉ်သုံးသဘာဝဓာတ်ငွေ့ဌာန(ရွာမ)၌ ရုံးဖွင့်ရက်များတွင် နေ့ချင်းပြီးဆောင်ရွက် ပေးလျက်ရှိသည်ဟု မော်တော်ယာဉ်သုံးသဘာဝဓာတ်ငွေ့ဌာနမှ အထွေထွေမန်နေဂျာ ဦးကျော်သူရဝင်း၏ ပြောကြားချက်အရ သိရသည်။ မြန်မာ့အသံသတင်းထောက် စန်းစန်းဝေက ဆက်သွယ်မေးမြန်းထားပါသည်။