ရန်ကုန်တိုင်းဒေသကြီးအတွင်း (၂)လက်မအရွယ်ငါးသားပေါက်ကောင်ရေသိန်း(၂၆၀)မျိုးစိုက်ထည့်သွားမည်
ရန်ကုန်တိုင်းဒေသကြီးငါးလုပ်ငန်းဦးစီးဌာနအနေနှင့် တိုင်းဒေသကြီးအတွင်းရှိ မြစ်၊ ချောင်း၊ အင်းအိုင်များအတွင်း လှော်ကား ငါးသားဖောက်စခန်း၊ လေးထောင့်ကန်ငါးသားဖောက်စခန်းနှင့် တွံတေးငါးသားဖောက်စခန်းတို့မှ (၂)လက်မအရွယ်ငါးသားပေါက်ကောင်ရေ သိန်း(၂၆၀)ကို မျိုးစိုက်ထည့်သွားမည်ဟု တိုင်းဒေသကြီး ငါးလုပ်ငန်း ဦးစီးဌာနမှ တိုင်းဦးစီးမှူးဦးမြင့်ရွှေ၏ ပြောကြားချက်အရ သိရသည်။ မြန်မာ့အသံသတင်းထောက် မျိုးဇာဇာဦးက ဆက်သွယ်မေးမြန်းထားပါသည်။