အမြွှာကလေး(၃)ဦးမွေးဖွားခဲ့တဲ့ အာမခံအလုပ်သမားအား လူမှုဖူလုံရေး အကျိုးခံစားခွင့်ထုတ်ပေး
မန္တလေးတိုင်းဒေသကြီး ၊ အောင်မြေသာစံမြို့နယ် လူမှုဖူလုံရေးရုံးခွဲ (၁)မှာ အကျုံးဝင်မှတ်ပုံတင်ထားတဲ့ အာမခံ အလုပ်သမားတစ်ဦးဟာ အမြွှာကလေး (၃)ဦးမွေးဖွားခဲ့တဲ့အတွက် ၂၀၁၂ ခုနှစ် လူမှုဖူလုံရေးဥပဒေနဲ့အညီမီးဖွား ခွင့်နှင့် မီးဖွားစရိတ်အကျိုးခံစားခွင့်များ ထုတ်ပေးခဲ့တယ်လို့ တိုင်းဒေသကြီးလူမှုဖူလုံရေးရုံးမှ လက်ထောက် ညွှန်ကြားရေးမှူး ဒေါ်လွင်လွင်မြင့်ရဲ့ ပြောကြားချက်အရ သိရသည်။ မြန်မာ့အသံသတင်းထောက် ကြည်ပြာဝင်းက ဆက်သွယ်မေးမြန်းထားပါသည်။