ပုံမှန်ကာကွယ်ဆေးထိုးလုပ်ငန်းများ အရှိန်မြှင့် ဆောင်ရွက်ပေးလျက်ရှိ
သက်ဆိုင်ရာမြို့နယ်ပြည်သူ့ကျန်းမာရေးဦးစီးဌာနများနှင့် သတ်မှတ်ထားသော ကာကွယ်ဆေးထိုးစုရပ်များတွင် လစဉ် (၁) ရက်မှ (၇) ရက်အထိ (ရုံးဖွင့်ရက်) များတွင်လည်းကောင်း၊ အပတ်စဉ် ကြာသပတေးနေ့ (ရုံးဖွင့်ရက်) တိုင်းတွင်လည်းကောင်း၊ ပုံမှန်ကာကွယ်ဆေးများကို ကလေးငယ်များရဲ့ အသက်အရွယ်အလိုက် ထိုးနှံတိုက်ကျွေး ပေးလျက်ရှိတယ်လို့ ပြည်သူ့ကျန်းမာရေးဦးစီးဌာန၊ ကျန်းမာရေးအသိပညာမြှင့်တင်ရေးဌာနခွဲမှ ညွှန်ကြားရေးမှူး ဒေါက်တာသန်းနိုင်စိုး၏ ပြောကြားချက်အရသိရသည်။ မြန်မာ့အသံသတင်းထောက် စန်းစန်းဝေက ဆက်သွယ် မေးမြန်းထားပါသည်။