(၁၁)ကြိမ်မြောက် အာဆီယံမသန်စွမ်းအားကစားပြိုင်ပွဲတွင် ရွှေတံဆိပ် (၁၄)ခုရရှိ
(၁၁)ကြိမ်မြောက် အာဆီယံမသန်စွမ်း အားကစား ပြိုင်ပွဲတွင် ဝင်ရောက်ယှဉ်ပြိုင်ခဲ့သည့် မြန်မာ့လက်ရွေးစင် မသန်စွမ်း အားကစားအဖွဲ့ ဩဂုတ် ၈ ရက်၊ နံနက်ပိုင်းက ရန်ကုန်လေဆိပ်သို့ ပြန်လည်ရောက်ရှိခဲ့ပြီး မြန်မာနိုင်ငံမှ ရွှေတံဆိပ် ၁၄ ခု၊ ငွေတံဆိပ် ၁၂ ခု၊ ကြေးတံဆိပ် ၁၇ ခု၊ စုစုပေါင်း ဆုတံဆိပ် (၄၃)ခုနဲ့ နိုင်ငံအလိုက် အဆင့် (၆) ရရှိခဲ့သည်ဟု မြန်မာနိုင်ငံမသန်စွမ်း အားကစားအဖွဲ့ချုပ် ဥက္ကဋ္ဌ ဗိုလ်မှူးချုပ်လှမိုး၏ ပြောကြားချက်အရ သိရသည်။ မြန်မာ့အသံ သတင်း ထောက် စန်းစန်းဝေက တွေ့ဆုံမေးမြန်းထားပါသည်။