မန်းရွှေစက်တော်ဘေးမဲ့တော ခရီးသွားလုပ်ငန်း မြှင့်တင်ဆောင်ရွက်လျက်ရှိ
မကွေးတိုင်းဒေသကြီး မင်းဘူးခရိုင် မင်းဘူး(စကု) မြို့နယ်အတွင်းရှိ မန်းရွှေစက်တော် ဘေးမဲ့တောတွင် ခရီးသွားများအား ဆွဲဆောင်နိုင်ရန်အတွက် ရှားပါးမျိုးနွယ်ဝင်များဖြစ်သည့် ကြယ်လိပ်၊ မြန်မာ့ရွှေသမင်များအပြင် ရွှေစက်တော် မန်းချောင်း အပန်းဖြေဆင်စခန်းကိုလည်း ဖွင့်လှစ်ထားပြီး ခရီးသွားလုပ်ငန်းမြှင့်တင်ဆောင်ရွက်လျက်ရှိသည်ဟု သဘာဝ ပတ်ဝန်းကျင်နှင့် သားငှက်တိရိစ္ဆာန်ထိန်းသိမ်းရေးဌာနမှ လက်ထောက်ညွှန်ကြားရေးမှူး ဦးအောင်ဆန်း၏ ပြောကြားချက် အရ သိရသည်။ မြန်မာ့အသံသတင်းထောက် နုယဉ်ဝင်းက တွေ့ဆုံမေးမြန်းထားပါသည်။