ရန်ကုန်မြို့တွင် သက်သာသောစျေးဖြင့် ဆန်အိတ်များရောင်းချမှုတွင် တစ်လနီးပါးအတွင်း ဆန်အိတ်ပေါင်း (၁၀,၀၀၀) ကျော် ရောင်းချပေးထားပြီးဖြစ်

မြန်မာနိုင်ငံဆန်စပါးကုန်သည်များအသင်း၊ မြန်မာနိုင်ငံဆန်စက် လုပ်ငန်းရှင်များအသင်း၊ မြန်မာနိုင်ငံဆန်စပါးစိုက်ပျိုး ထုတ်လုပ်သူများအသင်း၊ ဆန်စပါးကုန်စည်ဒိုင်(ဝါးတန်း)၊ ဆန်စပါးကုန်စည်ဒိုင်(ဘုရင့်နောင်)တို့ ပူးပေါင်းဆောင်ရွက်မှုဖြင့် ရန်ကုန်မြို့တွင် သြဂုတ်လ (၃) ရက်နေ့မှစပြီး သက်သာသောစျေးဖြင့် လူတစ်ဦးလျှင် ဆန်တစ်အိတ်နှုန်းဖြင့် ရောင်းချမှုမှာ တစ်လနီးပါးအတွင်း ဆန်အိတ်ပေါင်း (၁၀,၀၀၀)ကျော် ရောင်းချပေးထားပြီး ဖြစ်ကြောင်း မြန်မာနိုင်ငံဆန်စပါး ကုန်သည် များအသင်း ဥက္ကဋ္ဌ ဦးနေလင်း၏ ပြောကြားချက်အရ သိရသည်။ မြန်မာ့အသံသတင်းထောက် စန်းစန်းဝေက တွေ့ဆုံ မေးမြန်း ထားပါသည်။