(၁၆)ကြိမ်မြောက် ကမ္ဘာ့ခွေးရူးရောဂါကာကွယ်ရေးနေ့တွင် ရန်ကုန်တိုင်းဒေသကြီးအတွင်းရှိ မြို့နယ်များတွင် ကာကွယ်ဆေးများထိုးနှံပေး
စက်တင်ဘာလ (၂၈)ရက်နေ့တွင်ကျရောက်သည့် (၁၆)ကြိမ်မြောက် ကမ္ဘာ့ခွေးရူးရောဂါ ကာကွယ်ရေးနေ့တွင် ရန်ကုန်တိုင်းဒေသကြီးအတွင်းရှိ မြို့နယ်အလိုက် ဟောပြောပွဲများပြုလုပ်ပြီး ကာကွယ်ဆေးများကိုလည်း ခွေးအကောင် (၂၀၀)ထိုးနှံပေးခဲ့သည်ဟု တိုင်းဒေသကြီးမွေးမြူရေးနှင့် ကုသရေးဦးစီးဌာနမှ ညွှန်ကြားရေးမှူး ဒေါက်တာတိုးမင်းထွန်း၏ ပြောကြားချက်အရ သိရသည်။ မြန်မာ့အသံ သတင်းထောက် ကျော်သက်အောင်က ဆက်သွယ်မေးမြန်းထားပါသည်။