သီတင်းကျွတ်လပြည့်နေ့(အဘိဓမ္မာအခါတော်နေ့) အလှူအဖြစ် အိမ်ထောင်စု (၁၅၀)ကို အခြေခံစားသောက်ကုန်များ လှူဒါန်း
ရန်ကုန်တိုင်းဒေသကြီး တာမွေမြို့နယ်ရှိ အောင်မြေဗောဓိဓမ္မရိပ်သာအလိုတော်ပြည့်ကျောင်းတိုက်၌ အလိုတော်ပြည့် ဆရာတော်ဘုရားကြီးအား အမှူးထား၍ မြို့နယ်အတွင်းရှိ အနှေးယာဉ် လုပ်သားများနှင့် အခြေခံလူတန်းစား အိမ်ထောင်စု ၁၅၀ ခန့်အတွက် ဆန်၊ ဆီ၊ ဆေး၊ ခေါက်ဆွဲခြောက်၊ မုန့်၊ အချိုရည်အစရှိသည့် အခြေခံ စားသောက်ကုန်များ လှူဒါန်းခဲ့သည်ဟု အလိုတော်ပြည့်ဆရာတော်ဘုရားကြီး၏ လက်ထောက်ဆရာတော် အသျှင်ကုမာရ၏ မိန့်ကြားချက်အရ သိရသည်။ မြန်မာ့အသံသတင်းထောက် စန်းစန်းဝေက တွေ့ဆုံမေးမြန်းထားပါသည်။