(၂၀၂၃)ခုနှစ် ပြည်နယ်နှင့်တိုင်းဒေသကြီး လှေလှော်ပြိုင်ပွဲတွင် ရန်ကုန်တိုင်းဒေသကြီး လှေလှော်အသင်းမှ စုပေါင်း တံခွန်စိုက်ဖလားဆွတ်ခူးရရှိ
အားကစားနှင့်လူငယ်ရေးရာဝန်ကြီးဌာန အားကစားနှင့်ကာယပညာဦးစီးဌာနမှစီစဉ်ကျင်းပသည့်(၂၀၂၃)ခုနှစ် ပြည်နယ် နှင့် တိုင်းဒေသကြီးလှေလှော်ပြိုင်ပွဲအား ဩဂုတ်(၁၀)ရက်မှ(၁၁)ရက်နေ့အထိ အင်းလျားကန်၌ ကျင်းပပြုလုပ်ခဲ့ရာ တိုင်းဒေသကြီးလှေလှော်ပြိုင်ပွဲ၏ စုပေါင်းတံခွန်စိုက်ဖလားကို ရန်ကုန်တိုင်းဒေသကြီး လှေလှော်အသင်းမှ ရွှေတံဆိပ်(၈)ခု၊ ငွေတံဆိပ်(၂)ခု ဖြင့်ဆွတ်ခူးရရှိခဲ့သည်ဟု ရန်ကုန်တိုင်းဒေသကြီး လှေလှော်အသင်း အုပ်ချုပ်သူ ဒေါ်ဖြိုးပိုပိုထွေး၏ ပြောကြားချက်အရသိရသည်။ မြန်မာ့အသံသတင်းထောက် စန်းစန်းဝေက တွေ့ဆုံ မေးမြန်းထားပါ သည်။