ဆန်စပါးသိုလှောင်ရုံလုပ်ငန်းများ အွန်လိုင်းမှ မှတ်ပုံတင်ဆောင်ရွက်နိုင်ပြီ
ပြည်တွင်းတွင် ဆန်စပါးဖူလုံရန်နှင့် ပြည်ပကိုစနစ်တကျတင်ပို့ရောင်းချနိုင်ရန်၊ ဆန်စပါးဈေးကွက်နှင့်ဈေးနှုန်း တည်ငြိမ် မှန်ကန်စေရန်၊ ဆန်စပါးသိုလှောင်မှုအခြေအနေများအား စနစ်တကျစာရင်းပြုစုနိုင်ရန် သိုလှောင်ရုံကုန်အပ်လက်မှတ် ကို အခြေပြုသည့် ငွေကြေးထောက်ပံ့မှုစနစ်ကို ဖော်ဆောင်နိုင်ရန်အတွက် ဆန်စပါးသိုလှောင်ရုံလုပ်ငန်းများအနေဖြင့် နိုဝင်ဘာ (၃) ရက်နေ့ကစပြီး Online Registration စနစ်ဖြင့် မှတ်ပုံတင် ဆောင်ရွက်နိုင်ပြီဖြစ်သည်ဟု မြန်မာနိုင်ငံ ဆန်စပါးအသင်းချုပ်မှ ဥက္ကဋ္ဌ ဦးရဲမင်းအောင်၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေမှ တွေ့ဆုံမေးမြန်း ထားပါသည်။