ဆင်ပေါင်ဝဲမြို့ ပြည်သူ့ဆေးရုံတွင် အပတ်စဉ်ဗုဒ္ဓဟူးနေ့တိုင်း နိုင်ငံ့ဝန်ထမ်းအငြိမ်းစားများအား အခမဲ့ဆေးကုသ ပေးမည်
မကွေးတိုင်းဒေသကြီး၊ အောင်လံခရိုင်၊ ဆင်ပေါင်ဝဲမြို့ပြည်သူ့ဆေးရုံတွင် အပတ်စဉ်ဗုဒ္ဓဟူးနေ့တိုင်းမြို့နယ် အတွင်းရှိ နိုင်ငံ့ဝန်ထမ်းအငြိမ်းစားများအား သွေးတိုးရောဂါ၊ သွေးချိုဆီးချိုရောဂါ၊ နှလုံးရောဂါများ အခမဲ့စစ်ဆေးပေးခြင်းနှင့် ဆေးကုသပေးခြင်းတို့ကို ဆောင်ရွက်ပေးသွားမည်ဟု မြို့နယ်ပြည်သူ့ကျန်းမာရေးဦးစီးဌာနမှူး ဒေါက်တာမွန်စိုးရီ၏ ပြောကြားချက်အရ သိရပါသည်။ မြန်မာ့အသံသတင်းထောက် နုယဉ်ဝင်းက ဆက်သွယ်မေးမြန်းထားပါသည်။