စီးတီးတက္ကစီဘုတ်များသတ်မှတ်စည်းကမ်းများနှင့်တပြေးညီဖြစ်စေရေး အသိပညာပေးခြင်းကို သုံးလကြာ ပြုလုပ်မည်
ရန်ကုန်မြို့တွင်း မောင်းနှင်ပြေးဆွဲနေသည့် စီးတီးတက္ကစီများ၏ တက္ကစီဘုတ်များအား မြို့တော်အင်္ဂါရပ်နှင့် ညီညွတ်မှုရှိစေရန်နှင့် သတ်မှတ်စည်းကမ်းချက်များနှင့်အညီ တပြေးညီ ဖြစ်စေရေးအတွက် အမိုးတွင် ဆေးအနီဖြင့် ရေးသားထားသည့် တက္ကစီစာသားကို အဖြူရောင်ဆိုင်းဘုတ်မီးအိမ် တပ်ဆင်ထားရှိရန် အသိပညာပေးကာလကို စက်တင်ဘာလမှစပြီး သုံးလကြာဆောင်ရွက်သွားမည်ဟု ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) မှ တွဲဖက်အတွင်းရေးမှူး ဦးလျန်ကျင့်မန်၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက တွေ့ဆုံမေးမြန်းထားပါသည်။