စိန်တလုံးသရက်သီးကို တရုတ်နိုင်ငံသို့ ရှမ်းပြည်နယ် မိုင်းလားလမ်းကြောင်းမှ စမ်းသပ်တင်ပို့လျက်ရှိ
မြန်မာ့စိန်တလုံးသရက်သီးများကို တရုတ်နိုင်ငံသို့ ယခင်က မူဆယ်နယ်စပ်ကုန်သွယ်ရေးလမ်းကြောင်းမှ တင်ပို့ခဲ့ရာမှ ယခုနှစ်တွင် ရှမ်းပြည်တောင်ပိုင်း မိုင်းလားလမ်းကြောင်းမှ စမ်းသပ်တင်ပို့လျက်ရှိကြောင်းနှင့် လေကြောင်းခရီးနှင့် တင်ပို့နိုင်ရန်အတွက်လည်း နှစ်နိုင်ငံကုန်သည်များ ညှိနှိုင်းဆွေးနွေးလျက်ရှိသည်ဟု မြန်မာ့သရက်ဈေးကွက်နည်းပညာ ဖွံ့ဖြိုးတိုးတက်ရေးအသင်း အထွေထွေအတွင်းရေးမှူး ဦးကျော်စိုးနိုင်နှင့် ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက ဆက်သွယ်မေးမြန်းထားပါသည်။