စိုက်ပျိုးရေလုံလောက်စေရန် တစ်နိုင်ငံလုံးရှိ ဆည်တာတမံ(၂၄၆)ခုတွင် စိုက်ပျိုးရေ ဧကပေ(၁၃၈)သိန်း သိုလှောင်ထားရှိ
ယခုဒီဇင်ဘာလနှင့် လာမည့် ၂၀၂၄ ခုနှစ်တွင် အယ်လ်နီညို ရာသီဥတုဖြစ်စဉ် ကြုံတွေ့နိုင်သောကြောင့် ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ တည်ဆောက်ထိန်းသိမ်းထားသည့် ရေလှောင်တမံ (၂၄၆)ခုတွင် ရေပမာဏ ဧကပေ (၁၃၈)သိန်း သိုလှောင်ထားရှိသည်ဟု ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ ဒုတိယညွှန်ကြားရေးမှူး ဦးမောင်မောင်မိုးညွန့်၏ ပြောကြားချက်အရ သိရသည်။ မြန်မာ့အသံသတင်းထောက် မျိုးမြင့်မြင့်မြတ်က ဆက်သွယ်မေးမြန်းထားပါသည်။