ကျေးလက်လမ်းဖွံ့ဖြိုးရေးဦးစီးဌာနမှ ၂၀၂၃-၂၀၂၄ ဘဏ္ဍာနှစ်အတွင်း လမ်းမိုင် (၈၅၀)မိုင်နှင့် တံတားအစင်း (၉၀၀)ကျော် လျာထားဆောင်ရွက်လျက်ရှိ
၂၀၂၃-၂၀၂၄ ဘဏ္ဍာနှစ်အတွင်း ကျေးလက်လမ်းဖွံ့ဖြိုးရေးဦးစီးဌာနမှ ပြည်ထောင်စုငွေလုံးငွေရင်းရန်ပုံငွေကျပ် ဘီလီယံ(၅၀) ကျော်၊ ပြည်နယ်နှင့်တိုင်းဒေသကြီးရန်ပုံငွေ ကျပ်ဘီလီယံ (၂၀၀)၊ စုစုပေါင်း ကျပ်ဘီလီယံ (၂၅၀)ခန့်ဖြင့် လမ်းမိုင်(၈၅၀)မိုင်ကျော်နှင့် တံတားအစင်း (၉၀၀)ကျော် လျာထားဆောင်ရွက်လျက်ရှိသည်ဟု ကျေးလက်လမ်းဖွံ့ဖြိုးရေးဦးစီးဌာနမှ ညွှန်ကြားရေးမှူးချုပ် ဦးစိုးထွန်းနိုင်၏ ပြောကြားချက်အရ သိရသည်။ မြန်မာ့အသံသတင်းထောက် ဖြိုးဝေက ဆက်သွယ်မေးမြန်းထားပါသည်။