မင်းလှမြို့နယ်၊ သပြေညောင်ကျေးရွာတွင် အိမ်ထောင်စု (၁,၀၂၅)စု အတွက် သောက်သုံးရေဖူလုံစွာရရှိစေမည့် ရေနံမလျှိုပိတ်တမံတည်ဆောက်နေ
မကွေးတိုင်းဒေသကြီး၊ သရက်ခရိုင်၊ မင်းလှမြို့နယ်၊ သပြေညောင်ကျေးရွာတွင် အိမ်ထောင်စု (၁,၀၂၅)စု၊ လူဦးရေ (၄,၀၀၀) ကျော်နှင့် ကျွဲ၊ နွားတိရစ္ဆာန် ကောင်ရေ (၈,၀၀၀)ကျော် အတွက် သောက်သုံးရေဖူလုံစွာရရှိစေမည့် ရေနံမလျှိုပိတ်တမံတည်ဆောက်နေသည်ဟု ခရိုင်ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန၊ လက်ထောက် ညွှန်ကြားရေးမှူး ဦးဝင်းညွန့်၏ ပြောကြားချက်အရ သိရသည်။ မြန်မာ့အသံသတင်းထောက် နုယဉ်ဝင်းက ဆက်သွယ် မေးမြန်ထားပါသည်။