မြန်မာနိုင်ငံကြက်ခြေနီအသင်းမှ ဝမ်းပျက်ဝမ်းလျှောရောဂါကာကွယ်ရေး အသိပညာပေးလုပ်ငန်းများ ဆောင်ရွက်လျက်ရှိ
လတ်တလော ဖြစ်ပွားနေသည့် မြစ်ရေကြီးရာဒေသများအပြင် ဝမ်းပျက်ဝမ်းလျှောရောဂါ ဖြစ်ပွားနေသည့် ရန်ကုန်တိုင်းဒေသကြီး အနီးပတ်ဝန်းကျင်ရှိ မြစ်ရေကြီးရာဒေသများတွင် ဝမ်းပျက်ဝမ်းလျှောရောဂါ မကူးစက်စေရန် မြန်မာနိုင်ငံ ကြက်ခြေနီအသင်းအနေဖြင့် အသိပညာပေးလုပ်ငန်းများ ဆောင်ရွက်နေပြီး ဓာတ်ဆားထုတ်နှင့် ရေသန့်ဆေးပြားများ ထောက်ပံ့ကူညီပေးလျက်ရှိသည်ဟု မြန်မာနိုင်ငံကြက်ခြေနီအသင်းမှ ဒုတိယ အထွေထွေ အတွင်းရေးမှူး ဒေါက်တာ ညိုညိုဝင့်၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက ဆက်သွယ်မေးမြန်းထားပါသည်။