ရန်ကုန်တိုင်းဒေသကြီးအတွင်း မုန်တိုင်းဘေးကြောင့် ဝမ်းပျက်ဝမ်းလျှောရောဂါမဖြစ်ပွားစေရန် ကျန်းမာရေး စောင့်ရှောက် မှုများ ပြည့်စုံစွာကြိုတင် ပြင်ဆင် ဆောင်ရွက်နိုင်ခဲ့
ရန်ကုန်တိုင်းဒေသကြီးအတွင်းရှိ မြို့နယ်များတွင် ဝမ်းပျက်ဝမ်းလျှောရောဂါ ကာကွယ်ရေးဆိုင်ရာ ဆေးဝါးများ၊ ကျန်းမာရေးစောင့်ရှောက်မှုများအား ကြိုတင်ပြင်ဆင်ဆောင်ရွက်ခဲ့မှုကြောင့် မုန်တိုင်းကြောင့် ဖြစ်ပေါ်နိုင်သည့် ဝမ်းပျက်ဝမ်းလျှောရောဂါဘေးကို ပူပန်စရာမရှိအောင် ဆောင်ရွက်ထားနိုင်ခဲ့သည်ဟု တိုင်းဒေသကြီးပြည်သူ့ ကျန်းမာရေးနှင့်ကုသရေးဦးစီးဌာနမှူး၊ ဒုတိယညွှန်ကြားရေးမှူးချုပ် ဒေါက်တာဌေးလွင်၏ ပြောကြားချက်အရ သိရသည်။ မြန်မာ့အသံသတင်းထောက် စန်းစန်းဝေက တွေ့ဆုံမေးမြန်းထားပါသည်။