သဖန်းဆိပ်ရေလှောင်တမံအပါအဝင် ဆည်ကန်ပေါင်း(၄၂)ကန်မှ ဖေဖော်ဝါရီ(၇)ရက်နေ့တွင် စိုက်ပျိုးရေး စတင်ပေးဝေမည်
စစ်ကိုင်းတိုင်းဒေသကြီးအတွင်း သဖန်းဆိပ်ရေလှောင်တမံအပါအဝင် ဆည်ကန်ပေါင်း(၄၂)ကန်မှ နွေစပါးအပါ အဝင် အခြားသီးနှံ(၃)သိန်း (၃)သောင်းကျော် စိုက်ပျိုးနိုင်ရန်အတွက် ရေပေးဝေရေးလုပ်ငန်းများကို ဖေဖော်ဝါရီ (၇)ရက်နေ့တွင် စတင်မည်ဟု တိုင်းဒေသကြီးဆည်မြောင်းနှင့်ရေအသုံးချမှု စီမံခန့်ခွဲရေးဦးစီးဌာန၊ ညွှန်ကြားရေးမှူး ဦးစောသက်ခိုင်ဝင်း၏ ပြောကြားချက်အရသိရသည်။ မြန်မာ့အသံသတင်းထောက် စန်းသီရိဆွေက ဆက်သွယ် မေးမြန်းထားပါသည်။