ယာဉ်မတော်တဆမှုကြောင့် သေဆုံးသူများ၏ ထက်ဝက်ခန့်မှာ မော်တော်ဆိုင်ကယ်ကြောင့် ဖြစ်ကြောင်း တွေ့ရှိရ
၂၀၂၀ ပြည့်နှစ်စစ်တမ်းများအရ ယာဉ်မတော်တဆမှုကြောင့် ထိခိုက်သေဆုံးသူဦးရေ(၄,၄၁၀)တွင် မော်တော် ဆိုင်ကယ်ကြောင့် ထိခိုက်သေဆုံးမှုမှာ (၂,၀၀၀)ခန့်ရှိနေကြောင်း တွေ့ရှိရသည့်အတွက် မော်တော်ဆိုင်ကယ် မောင်းနှင် စီးနင်းသူများအနေဖြင့် အရည်အသွေးပြည့်မီသည့် မော်တော်ဆိုင်ကယ်စီးဦးထုပ်ကိုသာ တပ်ဆင်မောင်းနှင်ကြရန် အသိပညာပေးခြင်းများ လုပ်ဆောင်ပေးနေသည်ဟု ရန်ကုန်တိုင်းဒေသကြီးပုဂ္ဂလိကသယ်ယူပို့ဆောင်ရေး ကြီးကြပ်မှု ကော်မတီ(YRTC)မှတွဲဖက်အတွင်းရေးမှူး ဦးလျန်ကျင့်မန်၏ ပြောကြားချက်အရသိရသည်။ မြန်မာ့အသံ သတင်းထောက် စန်းစန်းဝေက တွေ့ဆုံမေးမြန်းထားပါသည်။