ယခုဘဏ္ဍာနှစ်အတွင်း မူးယစ်ဆေးဖြတ်ပြီးသူများပြန်လည် ထူထောင်ရေး စခန်းနှင့် ရပ်ရွာအခြေပြု ပြန်လည်ထူထောင်ရေး သင်တန်း(၈)ကြိမ်နှင့် မူးယစ်ကြီးကြပ်ရေးမှူးသင်တန်း (၇)ကြိမ် ဖွင့်လှစ်မည်
ပြန်လည်ထူထောင်ရေးဦးစီးဌာနက နိုင်ငံတစ်ဝန်းမူးယစ်ဆေးဖြတ်ပြီးသူများ ပြန်လည်ထူထောင်ရေးစခန်း(၁၄)ခု ဖွင့်လှစ်ထားရှိပြီး ၂၀၂၃-၂၀၂၄ ဘဏ္ဍာနှစ်တွင် စခန်းနှင့် ရပ်ရွာအခြေပြုသင်တန်း(၈)ကြိမ်နှင့် စေတနာ့ဝန်ထမ်း မူးယစ်ကြီးကြပ်ရေးမှူးသင်တန်း (၇)ကြိမ် ဖွင့်လှစ်သွားမည်ဟု ပြန်လည်ထူထောင်ရေးဦးစီးဌာန၊ မူးယစ်ဌာနခွဲ၊ မူးယစ်ဆေးဖြတ်ပြီးသူများ ပြန်လည်ထူထောင်ရေးလုပ်ငန်းမှ ဒုတိယညွှန်ကြားရေးမှူး ဒေါ်စုစုမေ၏ ပြောကြားချက်အရ သိရသည်။ မြန်မာ့အသံသတင်းထောက် ကြည်ပြာဝင်းက ဆက်သွယ်မေးမြန်းထားပါသည်။