ကော့သောင်းမြို့မှ ရနောင်းမြို့သို့ ဇန်နဝါရီ (၁) ရက်မှ (၂၅) ရက်အထိ ရေထွက်ကုန်(၂၃၃၇၆) တန် အမေရိကန် ဒေါ်လာ (၂၃.၃၃) သန်းဖိုး တင်ပို့နိုင်ခဲ့
တနင်္သာရီတိုင်းဒေသကြီး၊ ကော့သောင်းမြို့မှ ထိုင်းနိုင်ငံ ရနောင်းမြို့သို့ ၂၀၂၂ ခုနှစ် ဇန်နဝါရီ (၁) ရက်မှ (၂၅) ရက်နေ့အထိ ရေထွက်ကုန်(၂၃၃၇၆) တန်တင်ပို့နိုင်ခဲ့ပြီး အမေရိကန်ဒေါ်လာ (၂၃.၃၃) သန်းရရှိခဲ့သည်ဟု ကော့သောင်း ခရိုင်ငါးလုပ်ငန်းဦးစီးဌာန၊ ဒုတိယညွှန်ကြားရေးမှူး ဦးတင်ထွဋ်၏ ပြောကြားချက်အရ သိရသည်။ မြန်မာ့အသံ သတင်းထောက် ခင်သူဇာကျော်က ဆက်သွယ်မေးမြန်းထားပါသည်။