ပုဂံ-ညောင်ဦး ဟိုတယ်နှင့် တည်းခိုရိပ်သာများအား ကိုဗစ်-၁၉ စည်းကမ်းသတ်မှတ်ချက်များလိုက်နာမှု ရှိ/မရှိ စစ်ဆေးဆောင်ရွက်သွားမည်
လာမည့်သင်္ကြန်ကာလတွင် ပုဂံ-ညောင်ဦးဒေသသို့ လာရောက်လည်ပတ်ကြသူများ ဘေးကင်းလုံခြုံသည့် ခရီးစဉ် ဒေသဖြစ်စေဖို့ ဟိုတယ်နှင့် တည်းခိုရိပ်သာများတွင် ကိုဗစ်-၁၉ စည်းကမ်းသတ်မှတ်ချက်များအား လိုက်နာမှု ရှိ/မရှိ စစ်ဆေးဆောင်ရွက်သွားမည်ဟု ဟိုတယ်နှင့်ခရီးသွားညွှန်ကြားမှုဦးစီးဌာန၊ ပုဂံဌာနခွဲမှ လက်ထောက်ညွှန်ကြားရေးမှူး ဦးမျိုးမင်းအောင်၏ ပြောကြား ချက်အရ သိရသည်။ မြန်မာ့အသံသတင်းထောက် နုယဉ်ဝင်းက ဆက်သွယ်မေးမြန်း ထားပါသည်။