နိုင်ငံတစ်ဝန်းရှိ တိုင်းဒေသကြီးနှင့် ပြည်နယ်အားလုံးတွင် မိုးရာသီမိုးကြိုသစ်ပင်စိုက်ပျိုးပွဲကို မေလတွင်ပြုလုပ်မည်
သစ်တောဦးစီးဌာနနှင့် အပူပိုင်းဒေသစိမ်းလန်းစိုပြည်ရေးဦးစီးဌာနတို့ ပူးပေါင်းပြီး နိုင်ငံတစ်ဝန်းရှိ တိုင်းဒေသကြီးနှင့် ပြည်နယ်အားလုံးတွင် မိုးရာသီမိုးကြိုသစ်ပင်စိုက်ပျိုးပွဲကို လာမည့်မေလတွင် ပြုလုပ်မည်ဖြစ်သည်ဟု သစ်တောဦးစီးဌာန၊ သဘာဝတောနှင့်စိုက်ခင်းလုပ်ငန်းဌာနမှ ဒုတိယညွှန်ကြားရေးမှူး ဦးလင်းထင်၏ ပြောကြားချက်အရ သိရသည်။ မြန်မာအသံ သတင်းထောက် မျိုးဇာဇာဦးက ဆက်သွယ်မေးမြန်းထားပါသည်။