ရှမ်းပြည်နယ်တွင် ၂၀၂၄-၂၀၂၅ ဘဏ္ဍာနှစ်အတွက် ကုန်ထုတ်လမ်း၊ တံတား၊ ရေပေးဝေရေးနှင့် ကျေးရွာဖွံ့ဖြိုးရေး လုပ်ငန်းပေါင်း(၅၈၀)လျာထား
ရှမ်းပြည်နယ်(တောင်ပိုင်း၊ မြောက်ပိုင်း၊ အရှေ့ပိုင်း)တို့တွင် ၂၀၂၄-၂၀၂၅ ဘဏ္ဍာနှစ်အတွက် ကျေးလက်ကုန်ထုတ်လမ်း၊ တံတား၊ ရေပေးဝေရေးနှင့် ကျေးရွာဖွံ့ဖြိုးရေးလုပ်ငန်းတို့ကို ပြည်ထောင်စုရန်ပုံငွေ၊ ပြည်နယ်ရန်ပုံငွေများဖြင့် လုပ်ငန်းပေါင်း (၅၈၀)ကို ဆောင်ရွက်ရန် လျာထားသည်ဟု ရှမ်းပြည်နယ် (တောင်ပိုင်း) ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ဒုတိယညွှန်ကြားရေးမှူး ဒေါ်သဇင်၏ ပြောကြားချက်အရ သိရသည်။ မြန်မာ့အသံ သတင်းထောက် မျိုးမြင့်မြင့်မြတ်က ဆက်သွယ်မေးမြန်းထားပါသည်။