တနင်္သာရီတိုင်းဒေသကြီး၊ တနင်္သာရီမြို့နယ်ရှိ နိုင်ငံပိုင်ဆီအုန်းခြံများမှ ထွက်ရှိသည့် ဆီသီးခိုင်များအား ပုဂ္ဂလိက လုပ်ငန်းရှင်များကို ရောင်းချပေးမည်
တနင်္သာရီတိုင်းဒေသကြီး၊ တနင်္သာရီမြို့နယ်ရှိ ညောင်ပင်ကွင်းခြံနှင့် ကော့သောင်းခရိုင်ရှိ မလိဝမ်း၊ အော်ကြီး၊ ဟတ်စဒင်း၊ ရေတံခွန် စသည့် ဆီအုန်းခြံများမှ ၂ဝ၂၄-၂ဝ၂၅ ဘဏ္ဍာနှစ်အတွင်း ထွက်ရှိမည့် ဆီသီးခိုင်များကို ပုဂ္ဂလိကလုပ်ငန်းရှင်များအား ရောင်းချပေးသွားမည်ဖြစ်ရာ လုပ်ငန်းဆောင်ရွက်လိုသူများအနေဖြင့် ၂ဝ၂၄ ခုနှစ်၊ မတ်လ (၁၁) ရက်၊ နောက်ဆုံးထားပြီး နှစ်ရှည်သီးနှံဌာနခွဲ၊ ရုံးအမှတ်(၅၀) နေပြည်တော်သို့ အဆိုပြုလွှာများ ပေးပို့လျှောက်ထားနိုင်သည်ဟု စိုက်ပျိုးရေးဦးစီးဌာန၊ နှစ်ရှည်သီးနှံဌာနခွဲမှ ဒုတိယညွှန်ကြားရေးမှူး ဒေါ်အေးအေးမြင့်၏ ပြောကြားချက်အရ သိရသည်။ မြန်မာ့အသံ သတင်းထောက် စန်းစန်းဝေက ဆက်သွယ်မေးမြန်းထားပါသည်။